hawa-e-hijr chali dil ki regzaron mein
havā-e-hijr chalī dil kī regzāroñ meñ
sharār jalte haiñ palkoñ kī shāḳh-sāroñ meñ
koī to mauja-e-tūfāñ idhar bhī aa nikle
safīne Duub chale bahr ke kināroñ meñ
unhīñ kī hasrat-e-rafta kī yādgār huuñ maiñ
jo log rah ga.e tanhā bharī bahāroñ meñ
hamīñ vo sūkhe hue zard peḌ haiñ jo kabhī
bahār bāñTte phirte the gul-ezāroñ meñ
'zahīr' vo bhī samajhte haiñ ab zabān-e-ġhazal
chhupāo laakh ġham-e-hijr isti.āroñ meñ
hawa-e-hijr chali dil ki regzaron mein
sharar jalte hain palkon ki shaKH-saron mein
koi to mauja-e-tufan idhar bhi aa nikle
safine Dub chale bahr ke kinaron mein
unhin ki hasrat-e-rafta ki yaadgar hun main
jo log rah gae tanha bhari bahaaron mein
hamin wo sukhe hue zard peD hain jo kabhi
bahaar banTte phirte the gul-ezaron mein
'zahir' wo bhi samajhte hain ab zaban-e-ghazal
chhupao lakh gham-e-hijr istiaron mein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
