hawa ki aankh mein kajal nahin hai

havā kī aañkh meñ kājal nahīñ hai

diyā ab ke koī ghāyal nahīñ hai

usī ko māñgtā huuñ har duā meñ

vo laḌkī jo mire qābil nahīñ hai

ḳhud apne aap ko maarā hai maiñ ne

so merā koī bhī qātil nahīñ hai

abūzar kī phaTī chādar hai duniyā

ye terā surma.ī āñchal nahīñ hai

sakhī maiñ tere jaisā to nahīñ huuñ

so merā lams to sandal nahīñ hai

hawa ki aankh mein kajal nahin hai

diya ab ke koi ghayal nahin hai

usi ko mangta hun har dua mein

wo laDki jo mere qabil nahin hai

KHud apne aap ko mara hai main ne

so mera koi bhi qatil nahin hai

abuzar ki phaTi chadar hai duniya

ye tera surmai aanchal nahin hai

sakhi main tere jaisa to nahin hun

so mera lams to sandal nahin hai