hawa mein phirte ho kya hirs aur hawa ke liye

havā meñ phirte ho kyā hirs aur havā ke liye

ġhurūr chhoḌ do ai ġhāfilo ḳhudā ke liye

girā diyā hai hameñ kis ne chāh-e-ulfat meñ

ham aap Duube kisī apne āshnā ke liye

jahāñ meñ chāhiye aivān o qasr shāhoñ ko

ye ek gumbad-e-gardūñ hai bas gadā ke liye

vo ā.īna hai ki jis ko hai hājat-e-sīmāb

ik iztirāb hai kaafī dil-e-safā ke liye

tapish se dil kā ho kyā jaane siine meñ kyā haal

jo tere tiir kā rauzan na ho havā ke liye

tabīb-e-ishq kī dukkāñ meñ DhūñDte phirte

ye dardmand-e-mohabbat tirī davā ke liye

jo haath aa.e 'zafar' ḳhāk-pā-e-'faḳhruddīn'

to maiñ rakhūñ use āñkhoñ ke tūtiyā ke liye

hawa mein phirte ho kya hirs aur hawa ke liye

ghurur chhoD do ai ghafilo KHuda ke liye

gira diya hai hamein kis ne chah-e-ulfat mein

hum aap Dube kisi apne aashna ke liye

jahan mein chahiye aiwan o qasr shahon ko

ye ek gumbad-e-gardun hai bas gada ke liye

wo aaina hai ki jis ko hai hajat-e-simab

ek iztirab hai kafi dil-e-safa ke liye

tapish se dil ka ho kya jaane sine mein kya haal

jo tere tir ka rauzan na ho hawa ke liye

tabib-e-ishq ki dukkan mein DhunDte phirte

ye dardmand-e-mohabbat teri dawa ke liye

jo hath aae 'zafar' KHak-pa-e-'faKHruddin'

to main rakhun use aankhon ke tutiya ke liye