hawa mein tir chalane se faeda kya hai

havā meñ tiir chalāne se fā.eda kyā hai

binā shikār nishāne se fā.eda kyā hai

kisī saḳhī kā yahāñ koī dar nahīñ khultā

yahāñ sadā.eñ lagāne se fā.eda kyā hai

tumhāre zaḳhm haiñ marham tumhīñ talāsh karo

kisī ko zaḳhm dikhāne se fā.eda kyā hai

ye sochtā huuñ zamāne se kyā milā mujh ko

ye sochtā huuñ zamāne se fā.eda kyā hai

jahāñ avaam kī zulmat-pasand fitrat ho

vahāñ charāġh jalāne se fā.eda kyā hai

hamāre sahn kī dīvār girne vaalī hai

mazīd aur uThāne se fā.eda kyā hai

ḳhud apnī zaat ko 'shahzar' jo baal baal rakhe

us ā.īne ko sajāne se fā.eda kyā hai

hawa mein tir chalane se faeda kya hai

bina shikar nishane se faeda kya hai

kisi saKHi ka yahan koi dar nahin khulta

yahan sadaen lagane se faeda kya hai

tumhaare zaKHm hain marham tumhin talash karo

kisi ko zaKHm dikhane se faeda kya hai

ye sochta hun zamane se kya mila mujh ko

ye sochta hun zamane se faeda kya hai

jahan awam ki zulmat-pasand fitrat ho

wahan charagh jalane se faeda kya hai

hamare sahn ki diwar girne wali hai

mazid aur uThane se faeda kya hai

KHud apni zat ko 'shahzar' jo baal baal rakhe

us aaine ko sajaane se faeda kya hai