hawa ne dosh se jhaTka to aab par Thahra

havā ne dosh se jhaTkā to aab par Thahrā

maiñ kuchh bhañvar meñ girā kuchh habāb par Thahrā

zamīñ se jazb ye pighlī sī nik.hateñ na huiiñ

urūs-e-shab kā pasīna gulāb par Thahrā

ġham o nashāt kā kitnā hasīn sañgam hai

ki taara aañkh se TuuTā sharāb par Thahrā

rupahlī jhiil kī maujoñ meñ iztirāb sā hai

qadam ye kis kā sunahre sarāb par Thahrā

maiñ lafz-e-ḳhām huuñ koī ki tarjumān-e-ġhazal

ye faisla kisī taaza kitāb par Thahrā

hawa ne dosh se jhaTka to aab par Thahra

main kuchh bhanwar mein gira kuchh habab par Thahra

zamin se jazb ye pighli si nikhaten na huin

urus-e-shab ka pasina gulab par Thahra

gham o nashat ka kitna hasin sangam hai

ki tara aankh se TuTa sharab par Thahra

rupahli jhil ki maujon mein iztirab sa hai

qadam ye kis ka sunahre sarab par Thahra

main lafz-e-KHam hun koi ki tarjuman-e-ghazal

ye faisla kisi taza kitab par Thahra