hawadisat zaruri hain zindagi ke liye
havādisāt zarūrī haiñ zindagī ke liye
ki moḌ hote haiñ har raah har galī ke liye
na koī mere liye hai na maiñ kisī ke liye
bas ek lafz-e-nadāmat huuñ zindagī ke liye
vo titliyoñ kī tarah mujh se aur duur huā
baḌhāyā jis kī taraf haath dostī ke liye
ye uzv uzv mirā pyaas se sulagtā hai
mujhe lahū kī zarūrat hai tishnagī ke liye
ab is se baḌh ke mirā imtihān kyā hogā
maiñ zahr pī ke jiyā huuñ tirī ḳhushī ke liye
jo ho sake to ḳhud ashkoñ ko poñchh lo 'ibrat'
kisī ke paas kahāñ vaqt dil-dahī ke liye
hawadisat zaruri hain zindagi ke liye
ki moD hote hain har rah har gali ke liye
na koi mere liye hai na main kisi ke liye
bas ek lafz-e-nadamat hun zindagi ke liye
wo titliyon ki tarah mujh se aur dur hua
baDhaya jis ki taraf hath dosti ke liye
ye uzw uzw mera pyas se sulagta hai
mujhe lahu ki zarurat hai tishnagi ke liye
ab is se baDh ke mera imtihan kya hoga
main zahr pi ke jiya hun teri KHushi ke liye
jo ho sake to KHud ashkon ko ponchh lo 'ibrat'
kisi ke pas kahan waqt dil-dahi ke liye
- Book : Aansuwon Ki Barat (Pg. 60)
- Author : Ibrat Machhali Shahri
- Publication : News Town Publishers (2013)
- Edition : 2013
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
