hawaon ke muqabil hun

havāoñ ke muqābil huuñ

charāġhoñ kī vo mahfil huuñ

ḳhudā jaane kahāñ huuñ maiñ

na bāhar huuñ na shāmil huuñ

mire kāñdhe pe vo bikhre

haiñ mauj ik vo maiñ sāhil huuñ

ye chādar silvaTeñ takiya

batāte haiñ maiñ ġhāfil huuñ

maiñ jo chāhūñ vo pā luuñ par

abhī ḳhud hī se ġhāfil huuñ

yahāñ sach be-sahārā hai

sahārā duuñ maiñ bātil huuñ

umīdeñ tum se rakhtī huuñ

kaho to kitnī jāhil huuñ

juā hai zindagī jaise

jo jiite us ko hāsil huuñ

rahe zad meñ junūñ jis ke

usī ko phir maiñ hāsil huuñ

hawaon ke muqabil hun

charaghon ki wo mahfil hun

KHuda jaane kahan hun main

na bahar hun na shamil hun

mere kandhe pe wo bikhre

hain mauj ek wo main sahil hun

ye chadar silwaTen takiya

batate hain main ghafil hun

main jo chahun wo pa lun par

abhi KHud hi se ghafil hun

yahan sach be-sahaara hai

sahaara dun main baatil hun

umiden tum se rakhti hun

kaho to kitni jahil hun

jua hai zindagi jaise

jo jite us ko hasil hun

rahe zad mein junun jis ke

usi ko phir main hasil hun