hawas mein wo raha ho ki bad-hawas bahut

havās meñ vo rahā ho ki bad-havās bahut

har aadmī ko badalne paḌe libās bahut

thakan se chuur badan dasht-e-yās-o-tanhā.ī

añdherī raat nadī duur aur pyaas bahut

sharāb-ḳhāne kā saada sā ik usuul ye hai

jise sharāb mayassar use gilās bahut

qadam qadam nazar aate haiñ maut ke saa.e

hamāre dasht se shahroñ meñ hai hirās bahut

ba-har-amal abhī radd-e-amal zarūrī hai

suḳhan-shanās koī ho ki nā-shanās bahut

hawas mein wo raha ho ki bad-hawas bahut

har aadmi ko badalne paDe libas bahut

thakan se chur badan dasht-e-yas-o-tanhai

andheri raat nadi dur aur pyas bahut

sharab-KHane ka sada sa ek usul ye hai

jise sharab mayassar use gilas bahut

qadam qadam nazar aate hain maut ke sae

hamare dasht se shahron mein hai hiras bahut

ba-har-amal abhi radd-e-amal zaruri hai

suKHan-shanas koi ho ki na-shanas bahut