hawas mein mubtala hum ko mila tha

havas meñ mubtalā ham ko milā thā

ye dil bigḌā huā ham ko milā thā

purānā aa.ina yuuñ toḌ Daalā

vo chehroñ se bharā ham ko milā thā

hamesha se thī phīkī raushnā.ī

qalam TuuTā huā ham ko milā thā

tirī āñkhoñ se ham ko yaad aayā

yahāñ kuchh kaam kā ham ko milā thā

misālī kah rahe haiñ aap jis ko

ye ġham martā huā ham ko milā thā

banā jo bā'is-e-rusvā.ī 'shāriq'

vo ḳhat likkhā huā ham ko milā thā

hawas mein mubtala hum ko mila tha

ye dil bigDa hua hum ko mila tha

purana aaina yun toD Dala

wo chehron se bhara hum ko mila tha

hamesha se thi phiki raushnai

qalam TuTa hua hum ko mila tha

teri aankhon se hum ko yaad aaya

yahan kuchh kaam ka hum ko mila tha

misali kah rahe hain aap jis ko

ye gham marta hua hum ko mila tha

bana jo ba'is-e-ruswai 'shaariq'

wo KHat likkha hua hum ko mila tha