hawas miTti nahin KHauf-e-KHuda pamal rakhta hai

havas miTtī nahīñ ḳhauf-e-ḳhudā pāmāl rakhtā hai

ajab sarkash hai dil merā ki hasb-e-hāl rakhtā hai

vahī āñkheñ haiñ jo ganj-e-girāñ-māya luTātī thiiñ

vahī dil ab hai apne aap ko kangāl rakhtā hai

rifāqat koī majbūrī na apnī thī na us kī thī

magar vo mere roz-o-shab ke sab ahvāl rakhtā hai

barahna shaam dhuñdle aa.ine meñ jaise ghul jaa.e

kuchh aisā hī mirā mahbūb ḳhatt-o-ḳhāl rakhtā hai

bisāt-e-jāñ kī baazī hārtā huuñ maiñ vo shātir hai

ġhazab kī chaal chaltā hai ġhazab kī chaal rakhtā hai

ḳhudā tū hāzir-o-nāzir ḳhatā.eñ baḳhshne vaalā

yaqīñ hotā nahīñ tū nāma-e-a.amāl rakhtā hai

hawas miTti nahin KHauf-e-KHuda pamal rakhta hai

ajab sarkash hai dil mera ki hasb-e-haal rakhta hai

wahi aankhen hain jo ganj-e-giran-maya luTati thin

wahi dil ab hai apne aap ko kangal rakhta hai

rifaqat koi majburi na apni thi na us ki thi

magar wo mere roz-o-shab ke sab ahwal rakhta hai

barahna sham dhundle aaine mein jaise ghul jae

kuchh aisa hi mera mahbub KHatt-o-KHal rakhta hai

bisat-e-jaan ki bazi haarta hun main wo shatir hai

ghazab ki chaal chalta hai ghazab ki chaal rakhta hai

KHuda tu hazir-o-nazir KHataen baKHshne wala

yaqin hota nahin tu nama-e-amal rakhta hai