hayat DhunD raha hun qaza ki rahon mein
hayāt DhūñD rahā huuñ qazā kī rāhoñ meñ
panāh māñgne aaya huuñ be-panāhoñ meñ
badan mummy thā nazar barf saañs kafūrī
tamām raat guzārī hai sard bāhoñ meñ
ab un meñ sho'le jahannum ke raqs karte haiñ
base the kitne hī firdaus jin nigāhoñ meñ
maiñ nuur hī huuñ na ghabrā.eñ mujh se nūr-talab
ye aur baat hai barsoñ rahā siyāhoñ meñ
bujhī jo raat to apnī galī kī yaad aa.ī
ulajh gayā thā maiñ rangīn shāh-rāhoñ meñ
na jaane kyā huā apnā bhī ab nahīñ hai vo
jo ek 'umr thā duniyā ke ḳhair-ḳhvāhoñ meñ
mirī talāsh ko jis 'ilm se qarār aa.e
na ḳhānqāhoñ meñ paa.ī na dars-gāhoñ meñ
hayat DhunD raha hun qaza ki rahon mein
panah mangne aaya hun be-panahon mein
badan mummy tha nazar barf sans kafuri
tamam raat guzari hai sard bahon mein
ab un mein sho'le jahannum ke raqs karte hain
base the kitne hi firdaus jin nigahon mein
main nur hi hun na ghabraen mujh se nur-talab
ye aur baat hai barson raha siyahon mein
bujhi jo raat to apni gali ki yaad aai
ulajh gaya tha main rangin shah-rahon mein
na jaane kya hua apna bhi ab nahin hai wo
jo ek 'umr tha duniya ke KHair-KHwahon mein
meri talash ko jis 'ilm se qarar aae
na KHanqahon mein pai na dars-gahon mein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
