hayat-o-maut ke parde gira ke

hayāt-o-maut ke parde girā ke

tumheñ dekhā hai tum se bhī chhupā ke

mujhe taḌpā rahe haiñ yaad aa ke

vo lamhāt-e-hasīñ ahd-e-vafā ke

vahāñ dāman ko uljhā.e hue huuñ

guzarnā thā jahāñ dāman bachā ke

mirī ḳhuddāriyoñ kī laaj rakh lī

maiñ sadqe us dil-e-be-mudda.ā ke

tirī mahfil meñ ḳhālī haath aa.e

kisī ummīd par sab kuchh luTā ke

ḳhayāloñ meñ tire āñchal ko dekhā

sitāre jab bhī chaTke muskurā ke

ḳhabar bhī hai tujhe ai jān-e-'maikash'

fasāne ban ga.e har har adā ke

hayat-o-maut ke parde gira ke

tumhein dekha hai tum se bhi chhupa ke

mujhe taDpa rahe hain yaad aa ke

wo lamhat-e-hasin ahd-e-wafa ke

wahan daman ko uljhae hue hun

guzarna tha jahan daman bacha ke

meri KHuddariyon ki laj rakh li

main sadqe us dil-e-be-muddaa ke

teri mahfil mein KHali hath aae

kisi ummid par sab kuchh luTa ke

KHayalon mein tere aanchal ko dekha

sitare jab bhi chaTke muskura ke

KHabar bhi hai tujhe ai jaan-e-'maikash'

fasane ban gae har har ada ke