حیات و موت کے پردے گرا کے
حیات و موت کے پردے گرا کے
تمہیں دیکھا ہے تم سے بھی چھپا کے
مجھے تڑپا رہے ہیں یاد آ کے
وہ لمحات حسیں عہد وفا کے
وہاں دامن کو الجھائے ہوئے ہوں
گزرنا تھا جہاں دامن بچا کے
مری خودداریوں کی لاج رکھ لی
میں صدقے اس دل بے مدعا کے
تری محفل میں خالی ہاتھ آئے
کسی امید پر سب کچھ لٹا کے
خیالوں میں ترے آنچل کو دیکھا
ستارے جب بھی چٹکے مسکرا کے
خبر بھی ہے تجھے اے جان میکشؔ
فسانے بن گئے ہر ہر ادا کے
مأخذ :
- کتاب : KHuli kitab (Pg. 23)
- Author : Masuud maikash muradabadi
- مطبع : Adbi Miaar Publications (1981)
- اشاعت : 1981
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
