hazar bar miTi aur paemal hui hai

hazār baar miTī aur pā.emāl huī hai

hamārī zindagī tab jā ke be-misāl huī hai

isī sabab se to parchhā.īñ apne saath nahīñ hai

sa.ūbat-e-safar-e-shauq se niDhāl huī hai

sukūn phir bhī to vahshat-sarā-e-dil meñ nahīñ hai

nigāh-e-yār agarche sharīk-e-hāl huī hai

ḳhushī ke lamhe to jūñ-tūñ guzar ga.e haiñ yahāñ par

bas ek sā.at-e-ġham kāTnī muhāl huī hai

lakīr nuur kī jo āsmān-e-dil pe banī hai

añdherī raat kā hamla huā to Dhaal huī hai

hazar bar miTi aur paemal hui hai

hamari zindagi tab ja ke be-misal hui hai

isi sabab se to parchhain apne sath nahin hai

saubat-e-safar-e-shauq se niDhaal hui hai

sukun phir bhi to wahshat-sara-e-dil mein nahin hai

nigah-e-yar agarche sharik-e-haal hui hai

KHushi ke lamhe to jun-tun guzar gae hain yahan par

bas ek saat-e-gham kaTni muhaal hui hai

lakir nur ki jo aasman-e-dil pe bani hai

andheri raat ka hamla hua to Dhaal hui hai