hazar baaten hain dil mein abhi sunane ko

hazār bāteñ haiñ dil meñ abhī sunāne ko

magar zabāñ nahīñ miltī hameñ batāne ko

vo āñkheñ aaj sitāre tarāshtī dekheñ

jinhoñ ne rañg-e-tabassum diyā zamāne ko

ham ahl-e-zarf abhī tak haiñ ek jins-e-latīf

jinheñ kuchal diyā duniyā ne āzmāne ko

hamāre phuul hamārā chaman hamārī bahār

hamīñ ko jā nahīñ miltī hai āshiyāne ko

'sahāb' itne taġhayyur navāz haiñ ham bhī

ki apne naġhmoñ ne chauñkā diyā zamāne ko

hazar baaten hain dil mein abhi sunane ko

magar zaban nahin milti hamein batane ko

wo aankhen aaj sitare tarashti dekhen

jinhon ne rang-e-tabassum diya zamane ko

hum ahl-e-zarf abhi tak hain ek jins-e-latif

jinhen kuchal diya duniya ne aazmane ko

hamare phul hamara chaman hamari bahaar

hamin ko ja nahin milti hai aashiyane ko

'sahab' itne taghayyur nawaz hain hum bhi

ki apne naghmon ne chaunka diya zamane ko