hazar marhale honge junun se aage bhi

hazār marhale hoñge junūñ se aage bhī

base haiñ shahr ka.ī sail-e-ḳhūñ se aage bhī

ham ek din qafas-e-jāñ se bāhar aa.e to

pahuñch ga.e falak-e-nīlgūñ se aage bhī

bikhar rahī haiñ darūn-o-barūñ kī saarī hadeñ

lagā.eñ ḳhema darūn-o-barūñ se aage bhī

hameñ ḳhabar huī ye shahr sone vaalā hai

so dekh aa.e badan ke fusūñ se aage bhī

kabhī to jhāñk le dīvār-e-qahqaha se udhar

kabhī to dekh le hadd-e-junūñ se aage bhī

hazar marhale honge junun se aage bhi

base hain shahr kai sail-e-KHun se aage bhi

hum ek din qafas-e-jaan se bahar aae to

pahunch gae falak-e-nilgun se aage bhi

bikhar rahi hain darun-o-barun ki sari haden

lagaen KHema darun-o-barun se aage bhi

hamein KHabar hui ye shahr sone wala hai

so dekh aae badan ke fusun se aage bhi

kabhi to jhank le diwar-e-qahqaha se udhar

kabhi to dekh le hadd-e-junun se aage bhi