hazar sharm karo wasl mein hazar lihaz

hazār sharm karo vasl meñ hazār lihāz

na nibhne degā dil-e-zār o be-qarār lihāz

na gudgudāo mujhe maiñ bhī tum ko chheḌūñgā

maiñ kar chukā huuñ tumhārā hazār baar lihāz

naqāb uThne kī jur.at kahīñ na kar baiThe

baḌhā.e kyuuñ dil-e-muztar kā iztirār lihāz

sharāb pī chuke be-chāre ko ijāzat do

khaḌā hai der se ruḳhsat ko ai nigār lihāz

maiñ mad.h-sanj huuñ dil se tire talavvun kā

na pā.edār hai ulfat na pā.edār lihāz

batāo to ye rahegā visāl meñ kab tak

hamāre haath ke badle gale kā haar lihāz

kareñ jo aap tajāhul to kyuuñ na samjhā.ūñ

kare huzūr kahāñ tak vafā-shi.ār lihāz

vo apne sar ko zarā bhī uThā nahīñ sakte

jhukī hui hai jo gardan to hai savār lihāz

jo un se pūchho to un ke ḳhilāf hai shoḳhī

jo ham se pūchho to ham ko hai nāgavār lihāz

takalluf uThte hī 'parvīñ' vo ḳhuub khul khele

huā hai shoḳhiyoñ se kitnā be-viqār lihāz

hazar sharm karo wasl mein hazar lihaz

na nibhne dega dil-e-zar o be-qarar lihaz

na gudgudao mujhe main bhi tum ko chheDunga

main kar chuka hun tumhaara hazar bar lihaz

naqab uThne ki jurat kahin na kar baiThe

baDhae kyun dil-e-muztar ka iztirar lihaz

sharab pi chuke be-chaare ko ijazat do

khaDa hai der se ruKHsat ko ai nigar lihaz

main madh-sanj hun dil se tere talawwun ka

na paedar hai ulfat na paedar lihaz

batao to ye rahega visal mein kab tak

hamare hath ke badle gale ka haar lihaz

karen jo aap tajahul to kyun na samjhaun

kare huzur kahan tak wafa-shiar lihaz

wo apne sar ko zara bhi uTha nahin sakte

jhuki hui hai jo gardan to hai sawar lihaz

jo un se puchho to un ke KHilaf hai shoKHi

jo hum se puchho to hum ko hai nagawar lihaz

takalluf uThte hi 'parwin' wo KHub khul khele

hua hai shoKHiyon se kitna be-wiqar lihaz