hazar waqt ke partaw-nazar mein hote hain

hazār vaqt ke partav-nazar meñ hote haiñ

ham ek halqa-e-vahshat-asar meñ hote haiñ

kabhī kabhī nigah-e-āshnā ke afsāne

usī hadīs-e-sar-e-rahguzar meñ hote haiñ

vahī haiñ aaj bhī us jism-e-nāznīñ ke ḳhutūt

jo shāḳh-e-gul meñ jo mauj-e-guhar meñ hote haiñ

khulā ye dil pe ki tāmīr-e-bām-o-dar hai fareb

bagūle qālib-e-dīvār-o-dar meñ hote haiñ

guzar rahā hai tū āñkheñ churā ke yuuñ na guzar

ġhalat-bayāñ bhī bahut rah-guzar meñ hote haiñ

qafas vahī hai jahāñ ranj-e-nau-ba-nau ai dost

nigāh-dārī ehsās par meñ hote haiñ

sirisht-e-gul hī meñ pinhāñ haiñ saare naqsh-o-nigār

hunar yahī to kaf-e-kūza-gar meñ hote haiñ

Tilism-e-ḳhvāb-e-zuleḳhā o dām-e-barda-farosh

hazār tarah ke qisse safar meñ hote haiñ

hazar waqt ke partaw-nazar mein hote hain

hum ek halqa-e-wahshat-asar mein hote hain

kabhi kabhi nigah-e-ashna ke afsane

usi hadis-e-sar-e-rahguzar mein hote hain

wahi hain aaj bhi us jism-e-naznin ke KHutut

jo shaKH-e-gul mein jo mauj-e-guhar mein hote hain

khula ye dil pe ki tamir-e-baam-o-dar hai fareb

bagule qalib-e-diwar-o-dar mein hote hain

guzar raha hai tu aankhen chura ke yun na guzar

ghalat-bayan bhi bahut rah-guzar mein hote hain

qafas wahi hai jahan ranj-e-nau-ba-nau ai dost

nigah-dari ehsas par mein hote hain

sirisht-e-gul hi mein pinhan hain sare naqsh-o-nigar

hunar yahi to kaf-e-kuza-gar mein hote hain

Tilism-e-KHwab-e-zuleKHa o dam-e-barda-farosh

hazar tarah ke qisse safar mein hote hain