hazar zaKHm ba-unwan-e-jaan liye phirna

hazār zaḳhm ba-unvān-e-jāñ liye phirnā

umīd-o-bīm kī ek dāstāñ liye phirnā

mohabbatoñ ko baratnā na aaya umr ga.ī

hazīmatoñ ke diloñ meñ nishāñ liye phirnā

ye bad-diyānatī fitrat hai kuchh adīboñ kī

kisī ke lafz kisī kā bayāñ liye phirnā

ġhazal meñ baat na dair-o-haram kī ho lekin

diloñ meñ daftar-e-hubb-e-butāñ liye phirnā

vufūr-e-shauq kī nākāmiyoñ meñ ḳhush honā

hujūm-e-dard meñ dil shādmāñ liye phirnā

jo raftagāñ haiñ kabhī lauT kar na ā.eñge

tum apne saath hī ye kahkashāñ liye phirnā

zamīñ kā rizq bane sab shajar-e-sāya-dār

ab in kī chaah kā tum sā.ebāñ liye phirnā

jo ghar basā.e the luT piT ke ho ga.e barbād

tum apne kāñdhoñ pe ik āshiyāñ liye phirnā

koī kahe ise ham zindagī nahīñ kahte

za.iif kāñdhoñ pe bār-e-garāñ liye phirnā

husūl-e-rizq hī maqsad nahīñ hai jiine kā

dil-o-dimāġh ko mat rā.egāñ liye phirnā

ye aur baat ke mahrūmiyāñ rahīñ ham-gām

tum aarzū ko yūñhī be-karāñ liye phirnā

guzishtagāñ kī vo sohbat kahāñ 'urūj' magar

unhīñ ke zikr se dil shādmāñ liye phirnā

junūn-e-shauq meñ shiddat na ho to hai be-sūd

junūn-e-ishq kā tauq-e-garāñ liye phirnā

hazar zaKHm ba-unwan-e-jaan liye phirna

umid-o-bim ki ek dastan liye phirna

mohabbaton ko baratna na aaya umr gai

hazimaton ke dilon mein nishan liye phirna

ye bad-diyanati fitrat hai kuchh adibon ki

kisi ke lafz kisi ka bayan liye phirna

ghazal mein baat na dair-o-haram ki ho lekin

dilon mein daftar-e-hubb-e-butan liye phirna

wufur-e-shauq ki nakaamiyon mein KHush hona

hujum-e-dard mein dil shadman liye phirna

jo raftagan hain kabhi lauT kar na aaenge

tum apne sath hi ye kahkashan liye phirna

zamin ka rizq bane sab shajar-e-saya-dar

ab in ki chah ka tum saeban liye phirna

jo ghar basae the luT piT ke ho gae barbaad

tum apne kandhon pe ek aashiyan liye phirna

koi kahe ise hum zindagi nahin kahte

zaif kandhon pe bar-e-garan liye phirna

husul-e-rizq hi maqsad nahin hai jine ka

dil-o-dimagh ko mat raegan liye phirna

ye aur baat ke mahrumiyan rahin ham-gam

tum aarzu ko yunhi be-karan liye phirna

guzishtagan ki wo sohbat kahan 'uruj' magar

unhin ke zikr se dil shadman liye phirna

junun-e-shauq mein shiddat na ho to hai be-sud

junun-e-ishq ka tauq-e-garan liye phirna