hazaron dard-o-gham ke darmiyan hum the

hazāroñ dard-o-ġham ke darmiyāñ ham the

jahāñ meñ ab kahāñ haiñ kal kahāñ ham the

taġhāful kījiye par soch lo itnā

tumhārī zindagī kī dāstāñ ham the

tumhārī bad-zabānī chubh rahī lekin

tumhāre hoñTh par shīrīñ-zabāñ ham the

ye taḳht-o-tāj duniyā meñ bhalā kab tak

mohabbat ziist hai socho kahāñ ham the

mohabbat khā ga.ī hai bhiiḌ nafrat kī

vo baḌhte bhā.ī-chāre kā gumāñ ham the

kahīñ nafrat kahīñ ulfat kahīñ dhokā

kahīñ jalte hue ghar be-zabāñ ham the

kuchal Daalā hai jis ko vaqt ne yaaro

zamīñ haiñ aaj par kal āsmāñ ham the

hazaron dard-o-gham ke darmiyan hum the

jahan mein ab kahan hain kal kahan hum the

taghaful kijiye par soch lo itna

tumhaari zindagi ki dastan hum the

tumhaari bad-zabani chubh rahi lekin

tumhaare honTh par shirin-zaban hum the

ye taKHt-o-taj duniya mein bhala kab tak

mohabbat zist hai socho kahan hum the

mohabbat kha gai hai bhiD nafrat ki

wo baDhte bhai-chaare ka guman hum the

kahin nafrat kahin ulfat kahin dhoka

kahin jalte hue ghar be-zaban hum the

kuchal Dala hai jis ko waqt ne yaro

zamin hain aaj par kal aasman hum the