hazaron manzilen phir bhi meri manzil hai tu hi tu

hazāroñ manzileñ phir bhī mirī manzil hai tū hī tū

mohabbat ke safar kā āḳhirī hāsil hai tū hī tū

balā se kitne hī tūfāñ uThe bahr-e-mohabbat meñ

har ik dhaḌkan ye kahtī hai mirā sāhil hai tū hī tū

mujhe ma.alūm hai anjām kyā hogā mohabbat kā

masīhā tū hī tū hai aur mirā qātil hai tū hī tū

kiyā ifshā mohabbat ko mirī bebāk nazroñ ne

zamāne ko ḳhabar hai mujh se bas ġhāfil hai tū hī tū

tire baḳhshe hue rañgoñ se hai pur-nūr har manzar

yaqīnan bahr o bar kī ruuh meñ shāmil hai tū hī tū

tujhī se guftugū har dam tirī hī justujū har dam

mirī āsāniyāñ tujh se mirī mushkil hai tū hī tū

jidhar jā.ūñ jidhar dekhūñ tire qisse tirī bāteñ

sar-e-mahfil hai tū hī tū pas-e-mahmil hai tū hī tū

hazaron manzilen phir bhi meri manzil hai tu hi tu

mohabbat ke safar ka aaKHiri hasil hai tu hi tu

bala se kitne hi tufan uThe bahr-e-mohabbat mein

har ek dhaDkan ye kahti hai mera sahil hai tu hi tu

mujhe malum hai anjam kya hoga mohabbat ka

masiha tu hi tu hai aur mera qatil hai tu hi tu

kiya ifsha mohabbat ko meri bebak nazron ne

zamane ko KHabar hai mujh se bas ghafil hai tu hi tu

tere baKHshe hue rangon se hai pur-nur har manzar

yaqinan bahr o bar ki ruh mein shamil hai tu hi tu

tujhi se guftugu har dam teri hi justuju har dam

meri aasaniyan tujh se meri mushkil hai tu hi tu

jidhar jaun jidhar dekhun tere qisse teri baaten

sar-e-mahfil hai tu hi tu pas-e-mahmil hai tu hi tu