hazaron sal mein utri teri taswir kaghaz par

hazāroñ saal meñ utrī tirī tasvīr kāġhaz par

vah.y kā silsila jaise huā tahrīr kāġhaz par

kahānī-kār ne mujh ko nikālā jab kahānī se

nikal aa.ī thī shamshīreñ chale the tiir kāġhaz par

hameñ mazmūn likhnā thā mohabbat aur vahshat pe

so likh aa.e the ham bhī phir kalām-e-'mīr' kāġhaz par

mirā mahbūb shā.ir hai kare hai vaar ġhazloñ se

qalam kī dhaar se apne rakhe dil chiir kāġhaz par

hazaron sal mein utri teri taswir kaghaz par

wahy ka silsila jaise hua tahrir kaghaz par

kahani-kar ne mujh ko nikala jab kahani se

nikal aai thi shamshiren chale the tir kaghaz par

hamein mazmun likhna tha mohabbat aur wahshat pe

so likh aae the hum bhi phir kalam-e-'mir' kaghaz par

mera mahbub shair hai kare hai war ghazlon se

qalam ki dhaar se apne rakhe dil chir kaghaz par