hazaron uljhanen hai is dil-e-KHuddar ke aage

hazāroñ uljhaneñ hai is dil-e-ḳhuddār ke aage

magar ye haar jaatā hai tire isrār ke aage

tirī zulfoñ ke aage ye ghaTā.eñ haath maltī haiñ

guloñ ke rañg phīke haiñ tire ruḳhsār ke aage

mohabbat kā karūñ iz.hār lekin soch luuñ pahle

kahūñgā kyā achānak maiñ tire inkār ke aage

havā.eñ haiñ muḳhālif par rakhī hai thaam kar ham ne

hamārī zindagī qurbān is dastār ke aage

bajā hogā tirā da.avā abhī se maan ke ham bhī

batā kyā fātiha paḌhne lageñ bīmār ke aage

diye ko jab kabhī sūraj banāyā jā nahīñ saktā

kahānī hausloñ kī kyoñ paḌheñ lāchār ke aage

zamāne sun tirī ye phislaneñ chalne nahīñ detīñ

kahīñ bhī ham nahīñ Tikte tirī raftār ke aage

hazaron uljhanen hai is dil-e-KHuddar ke aage

magar ye haar jata hai tere israr ke aage

teri zulfon ke aage ye ghaTaen hath malti hain

gulon ke rang phike hain tere ruKHsar ke aage

mohabbat ka karun izhaar lekin soch lun pahle

kahunga kya achanak main tere inkar ke aage

hawaen hain muKHalif par rakhi hai tham kar hum ne

hamari zindagi qurban is dastar ke aage

baja hoga tera dawa abhi se man ke hum bhi

bata kya fatiha paDhne lagen bimar ke aage

diye ko jab kabhi suraj banaya ja nahin sakta

kahani hauslon ki kyon paDhen lachaar ke aage

zamane sun teri ye phislanen chalne nahin detin

kahin bhi hum nahin Tikte teri raftar ke aage