hichkiyan leta hua duniya se diwana chala
hichkiyāñ letā huā duniyā se dīvāna chalā
jāñ-kanī ke vaqt bhī terā hī afsāna chalā
maiñ junūn-e-ishq meñ jaane kahāñ tak aa gayā
shahr ke har moḌ se patthar judāgāna chalā
ḳhuun kī gardish meñ shāmil ho ga.ī dil kī umañg
kū-e-qātil kī taraf be-iḳhtiyārāna chalā
mausam-e-gul zard hai ḳhūn-e-tamannā ke baġhair
naqd-e-jāñ le kar chaman meñ sarfaroshāna chalā
maut ke saa.e meñ 'tāriq' aarzū kī dhuup thī
kārobār-e-zindagī be-e'tibārāna chalā
hichkiyan leta hua duniya se diwana chala
jaan-kani ke waqt bhi tera hi afsana chala
main junun-e-ishq mein jaane kahan tak aa gaya
shahr ke har moD se patthar judagana chala
KHun ki gardish mein shamil ho gai dil ki umang
ku-e-qatil ki taraf be-iKHtiyarana chala
mausam-e-gul zard hai KHun-e-tamanna ke baghair
naqd-e-jaan le kar chaman mein sarfaroshana chala
maut ke sae mein 'tariq' aarzu ki dhup thi
karobar-e-zindagi be-e'tibarana chala
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
