hijab walon se wo be-hijab ho na saka

hijāb vāloñ se vo be-hijāb ho na sakā

vo sāmne thā magar be-naqāb ho na sakā

vajūd-e-ḳhāk kā insāñ ḳhitāb ho na sakā

ye zarra ġhair-e-karam āftāb ho na sakā

karam vo tuur pe ik be-niyāz-e-jalva par

vo be-niyāzī thī jis kā javāb ho na sakā

uThā ke parda chhupā kasrat-e-tajallī meñ

vo be-naqāb huā be-naqāb ho na sakā

tamām umr rahe dekhte hayāt ke ḳhvāb

hamārī āñkhoñ meñ ye ḳhvāb ḳhvāb ho na sakā

rahī fareb-e-tasavvur ye raftanī duniyā

sarāb jaise kabhī jū-e-āb ho na sakā

zamīr zāhir-o-bātin se ho gayā āgāh

ḳharāb bāda-e-irfāñ ḳharāb ho na sakā

mire karīm ne baḳhshā isī bahāne se

mire gunāhoñ kā jab kuchh hisāb ho na sakā

abhī kamī hai tire zauq-e-ishq meñ 'aiman'

lahū huā tirā aañsū sharāb ho na sakā

hijab walon se wo be-hijab ho na saka

wo samne tha magar be-naqab ho na saka

wajud-e-KHak ka insan KHitab ho na saka

ye zarra ghair-e-karam aaftab ho na saka

karam wo tur pe ek be-niyaz-e-jalwa par

wo be-niyazi thi jis ka jawab ho na saka

uTha ke parda chhupa kasrat-e-tajalli mein

wo be-naqab hua be-naqab ho na saka

tamam umr rahe dekhte hayat ke KHwab

hamari aankhon mein ye KHwab KHwab ho na saka

rahi fareb-e-tasawwur ye raftani duniya

sarab jaise kabhi ju-e-ab ho na saka

zamir zahir-o-baatin se ho gaya aagah

KHarab baada-e-irfan KHarab ho na saka

mere karim ne baKHsha isi bahane se

mere gunahon ka jab kuchh hisab ho na saka

abhi kami hai tere zauq-e-ishq mein 'aiman'

lahu hua tera aansu sharab ho na saka