hijr de ya visal de mujhko

hijr de yā visāl de mujh ko

ġham koī lā-zavāl de mujh ko

bhūltī jā rahī huuñ maiñ sab kuchh

aur kuchh roz Taal de mujh ko

apnī sūrat tarāsh le mujh meñ

ab mire ḳhadd-o-ḳhāl de mujh ko

pahle mujh ko Dubo añdheroñ meñ

phir kiran sā uchhāl de mujh ko

saa.e jis kī pakaḌ meñ aa jaa.eñ

raushnī kā vo jaal de mujh ko

hijr de ya visal de mujh ko

gham koi la-zawal de mujh ko

bhulti ja rahi hun main sab kuchh

aur kuchh roz Tal de mujh ko

apni surat tarash le mujh mein

ab mere KHadd-o-KHal de mujh ko

pahle mujh ko Dubo andheron mein

phir kiran sa uchhaal de mujh ko

sae jis ki pakaD mein aa jaen

raushni ka wo jal de mujh ko