hijr jab tai hai to be-kar na hujjat karna

hijr jab tai hai to be-kār na hujjat karnā

jaane vaale ko bahut pyaar se ruḳhsat karnā

vo jo bheje the tirī mast nigāhoñ ne payām

ek baar aur zarā un kī vazāhat karnā

sab ke hāthoñ meñ ye ejāz-e-masīhā.ī kahāñ

ek hī lams kā mansab hai karāmat karnā

ye to aisā hai ki is raah meñ chal paḌiye

ishq karnā to baġhair izn-o-ijāzat karnā

dard uThtā bhī rahe aañkh se chhalke bhī nahīñ

sīkhte sīkhte aatā hai shikāyat karnā

ham ko ādāb-e-mohabbat nahīñ aate 'sīmā'

ham ko bas TuuT ke aatā hai mohabbat karnā

hijr jab tai hai to be-kar na hujjat karna

jaane wale ko bahut pyar se ruKHsat karna

wo jo bheje the teri mast nigahon ne payam

ek bar aur zara un ki wazahat karna

sab ke hathon mein ye ejaz-e-masihai kahan

ek hi lams ka mansab hai karamat karna

ye to aisa hai ki is rah mein chal paDiye

ishq karna to baghair izn-o-ijazat karna

dard uThta bhi rahe aankh se chhalke bhi nahin

sikhte sikhte aata hai shikayat karna

hum ko aadab-e-mohabbat nahin aate 'sima'

hum ko bas TuT ke aata hai mohabbat karna