ہجر کا مجھ کو وہ صدمہ لگ گیا

ہجر کا مجھ کو وہ صدمہ لگ گیا

کچھ سمجھ پانے میں عرصہ لگ گیا

دل میں جیسے کوئی میلہ لگ گیا

ہاتھ میرے اس کا جھمکا لگ گیا

اس میں کیا تم کو انوکھا لگ گیا

کوئی اچھا تھا سو اچھا لگ گیا

ہم تو مجبوری میں ہنستے ہیں حضور

آپ کہیے آپ کو کیا لگ گیا

غیر کی باہیں تجھے اچھی لگیں

کیسے اندھے سے نشانا لگ گیا

رات میں جگ جگ کے تیرے میسیجز

پڑھتے پڑھتے مجھ کو چشمہ لگ گیا

اب کسی دریا سے کیا بہلائیں من

پیاس کا ہونٹوں کو چسکہ لگ گیا

اور پھر سورج کبھی نکلا نہیں

جب سے اس کھڑکی پہ پردا لگ گیا

یار اس کے بھی تو عاشق ہیں بہت

پھر غلط نمبر پہ پیسہ لگ گیا