hijr ka mujhko wo sadma lag gaya

hijr kā mujh ko vo sadma lag gayā

kuchh samajh paane meñ arsa lag gayā

dil meñ jaise koī mela lag gayā

haath mere us kā jhumkā lag gayā

is meñ kyā tum ko anokhā lag gayā

koī achchhā thā so achchhā lag gayā

ham to majbūrī meñ hañste haiñ huzūr

aap kahiye aap ko kyā lag gayā

ġhair kī bāheñ tujhe achchhī lagīñ

kaise andhe se nishānā lag gayā

raat meñ jag jag ke tere messages

paḌhte paḌhte mujh ko chashma lag gayā

ab kisī dariyā se kyā bahlā.eñ man

pyaas kā hoñToñ ko chaska lag gayā

aur phir sūraj kabhī niklā nahīñ

jab se us khiḌkī pe pardā lag gayā

yaar us ke bhī to āshiq haiñ bahut

phir ġhalat number pe paisa lag gayā

hijr ka mujh ko wo sadma lag gaya

kuchh samajh pane mein arsa lag gaya

dil mein jaise koi mela lag gaya

hath mere us ka jhumka lag gaya

is mein kya tum ko anokha lag gaya

koi achchha tha so achchha lag gaya

hum to majburi mein hanste hain huzur

aap kahiye aap ko kya lag gaya

ghair ki bahen tujhe achchhi lagin

kaise andhe se nishana lag gaya

raat mein jag jag ke tere messages

paDhte paDhte mujh ko chashma lag gaya

ab kisi dariya se kya bahlaen man

pyas ka honTon ko chaska lag gaya

aur phir suraj kabhi nikla nahin

jab se us khiDki pe parda lag gaya

yar us ke bhi to aashiq hain bahut

phir ghalat number pe paisa lag gaya