hijr ke gham main kha ke lata hun

hijr ke ġham maiñ khā ke laatā huuñ

ḳhvāb apne manā ke laatā huuñ

sach kī hiddat se kaam lete ho

jhuuT ko maiñ bulā ke laatā huuñ

kyā kahā chāñd chāhiye baiTho

aaj vo bhī churā ke laatā huuñ

ḳhvāb meñ jo vo saath hotī hai

us ko dulhan banā ke laatā huuñ

kyā tumheñ tohfa chāhiye Thahro

hāthoñ par sar sajā ke laatā huuñ

ishq mujh par asar nahīñ kartā

roz us ko ghumā ke laatā huuñ

is mohabbat pe tum yaqīñ kar lo

hukm saare ḳhudā ke laatā huuñ

Duub jaatā hai kyuuñ yahāñ har baar

raaz maiñ nā-ḳhudā ke laatā huuñ

kuchh asar hotā hī nahīñ us par

sher kitne banā ke laatā huuñ

apne hāthoñ se sauñpnā mujh ko

apne ġham ko manā ke laatā huuñ

hijr ke gham main kha ke lata hun

KHwab apne mana ke lata hun

sach ki hiddat se kaam lete ho

jhuT ko main bula ke lata hun

kya kaha chand chahiye baiTho

aaj wo bhi chura ke lata hun

KHwab mein jo wo sath hoti hai

us ko dulhan bana ke lata hun

kya tumhein tohfa chahiye Thahro

hathon par sar saja ke lata hun

ishq mujh par asar nahin karta

roz us ko ghuma ke lata hun

is mohabbat pe tum yaqin kar lo

hukm sare KHuda ke lata hun

Dub jata hai kyun yahan har bar

raaz main na-KHuda ke lata hun

kuchh asar hota hi nahin us par

sher kitne bana ke lata hun

apne hathon se saunpna mujh ko

apne gham ko mana ke lata hun