hijr ki shab jo tabiat kabhi ghabrai hai

hijr kī shab jo tabī.at kabhī ghabrā.ī hai

tū na aayā to terī yaad bahut aa.ī hai

pur-ḳhatar kitnī ye māhaul kī tanhā.ī hai

dil se ik baat na niklī thī ki ik aa.ī hai

dast-e-ulfat dil-e-be-kal kī taraf yuuñ laa.e

koī samjhe ye tirā naaz hai añgḌā.ī hai

hādse haiñ abhī kitne isī ḳhatre ke tahat

is meñ rusvā.ī hai is meñ tirī rusvā.ī hai

vo tire sar kī qasam khāte haiñ ya.anī ki 'ḳhalīl'

ek kāfir ne musalmāñ kī qasam khaa.ī hai

hijr ki shab jo tabiat kabhi ghabrai hai

tu na aaya to teri yaad bahut aai hai

pur-KHatar kitni ye mahaul ki tanhai hai

dil se ek baat na nikli thi ki ek aai hai

dast-e-ulfat dil-e-be-kal ki taraf yun lae

koi samjhe ye tera naz hai angDai hai

hadse hain abhi kitne isi KHatre ke tahat

is mein ruswai hai is mein teri ruswai hai

wo tere sar ki qasam khate hain yani ki 'KHalil'

ek kafir ne musalman ki qasam khai hai