hijr ki shab mein bayan kis se main rudad karun

hijr kī shab meñ bayāñ kis se maiñ rūdād karūñ

un kā parda bhī rakhūñ apnī bhī fariyād karūñ

āh-o-nāla na karūñ aur na fariyād karūñ

sochtā huuñ maiñ unheñ kis tarah ab yaad karūñ

mahfil-e-ġhair meñ vo mujh ko mileñ to ai dil

kis tarah zikr tirā ai dil-e-nāshād karūñ

mā-sivā tere nazar meñ koī jachtā hī nahīñ

ḳhāna-e-dil meñ tujhe kyuuñ na maiñ ābād karūñ

zaḳhm hī zaḳhm mohabbat haiñ mire dil meñ agar

sochtā huuñ ki bayāñ kaise ye rūdād karūñ

dil azal hī se hai maa.il jo hasīnoñ kī taraf

kyuuñ mohabbat ke gharoñdoñ ko maiñ barbād karūñ

charḳh-e-be-mehr se kam tū bhī nahīñ hai zālim

āshiyāñ kaise havāle tire sayyād karūñ

kaisī mushkil sī hai mushkil ye na pūchhūñ mujh se

kis tarah zehn-e-pareshāñ ko maiñ āzād karūñ

shab kī tanhā.ī meñ aksar yahī sochā hai 'nazīr'

yaad kar kar ke tujhe dil ko to ab shaad karūñ

hijr ki shab mein bayan kis se main rudad karun

un ka parda bhi rakhun apni bhi fariyaad karun

aah-o-nala na karun aur na fariyaad karun

sochta hun main unhen kis tarah ab yaad karun

mahfil-e-ghair mein wo mujh ko milen to ai dil

kis tarah zikr tera ai dil-e-nashad karun

ma-siwa tere nazar mein koi jachta hi nahin

KHana-e-dil mein tujhe kyun na main aabaad karun

zaKHm hi zaKHm mohabbat hain mere dil mein agar

sochta hun ki bayan kaise ye rudad karun

dil azal hi se hai mail jo hasinon ki taraf

kyun mohabbat ke gharondon ko main barbaad karun

charKH-e-be-mehr se kam tu bhi nahin hai zalim

aashiyan kaise hawale tere sayyaad karun

kaisi mushkil si hai mushkil ye na puchhun mujh se

kis tarah zehn-e-pareshan ko main aazad karun

shab ki tanhai mein aksar yahi socha hai 'nazir'

yaad kar kar ke tujhe dil ko to ab shad karun