hijr mein mujhko to ab KHud ka pata yaad nahin

hijr meñ mujh ko to ab ḳhud kā pata yaad nahīñ

tujh se bichhḌā huuñ to kuchh tere sivā yaad nahīñ

ik nazar dekh liyā maiñ ne use aaj kī shaam

mujh ko ab koī farishta yā ḳhudā yaad nahīñ

chhū liyā maiñ ne tire jism kā saaya jab se

kab kisī gul ko yahāñ maiñ ne chhuā yaad nahīñ

raat kī baat thī aur baat bhī ik raaz kī thī

maiñ ne jo kuchh bhī kahā us ne sunā yaad nahīñ

hijr mein mujh ko to ab KHud ka pata yaad nahin

tujh se bichhDa hun to kuchh tere siwa yaad nahin

ek nazar dekh liya main ne use aaj ki sham

mujh ko ab koi farishta ya KHuda yaad nahin

chhu liya main ne tere jism ka saya jab se

kab kisi gul ko yahan main ne chhua yaad nahin

raat ki baat thi aur baat bhi ek raaz ki thi

main ne jo kuchh bhi kaha us ne suna yaad nahin