hijr mein nashad duniya se dil-e-muztar gaya

hijr meñ nāshād duniyā se dil-e-muztar gayā

aaj apne saath kā ik marne vaalā mar gayā

sunñe vaale ḳhuub ro.e mere hāl-e-zār par

yuuñ hī apnī umr kā paimāna āḳhir bhar gayā

bāzū-e-qātil thakā.e saḳht-jānī ne mirī

bārhā is haath se us haath meñ ḳhanjar gayā

ham vahī gulshan vahī mahfil vahī sāmāñ vahī

ek saaqī kyā gayā lutf-e-mai-o-sāġhar gayā

ho ga.ī ġhairoñ ko bhī nākām marne kī havas

maiñ kisī par jaan de kar kaam apnā kar gayā

rūh-parvar hai nigāh-e-nāz qātil kā asar

jis ko dekhā jī uThā jis ko na dekhā mar gayā

maiñ kabhī royā to vo bole Duboyā nām-e-ishq

aur agar aañsū pī liye to dil meñ dariyā bhar gayā

aisī hī ġhaflat rahī gar mere hāl-e-zār par

ek din ahbāb sun leñge 'nazar' bhī mar gayā

hijr mein nashad duniya se dil-e-muztar gaya

aaj apne sath ka ek marne wala mar gaya

sunne wale KHub roe mere haal-e-zar par

yun hi apni umr ka paimana aaKHir bhar gaya

bazu-e-qatil thakae saKHt-jaani ne meri

barha is hath se us hath mein KHanjar gaya

hum wahi gulshan wahi mahfil wahi saman wahi

ek saqi kya gaya lutf-e-mai-o-saghar gaya

ho gai ghairon ko bhi nakaam marne ki hawas

main kisi par jaan de kar kaam apna kar gaya

ruh-parwar hai nigah-e-naz qatil ka asar

jis ko dekha ji uTha jis ko na dekha mar gaya

main kabhi roya to wo bole Duboya nam-e-ishq

aur agar aansu pi liye to dil mein dariya bhar gaya

aisi hi ghaflat rahi gar mere haal-e-zar par

ek din ahbab sun lenge 'nazar' bhi mar gaya