hijr ne is tarah utare rang

hijr ne is tarah utāre rang

jaise the hī nahīñ hamāre rang

ek manzar se ho ga.e ghāyal

tum ne dekhe kahāñ haiñ saare rang

niiñd Thahrī huī thī palkoñ par

rah ga.e ḳhvāb ke kināre rang

naqsh ubhre tumhārī nazroñ se

aap kī aañkh ne nikhāre rang

kis qadar shaan se kashīd hue

kis qadar tamkanat se haare rang

surḳh joḌe kā intiḳhāb kiyā

laakh karte rahe ishāre rang

mere āñgan meñ kyā nahīñ maujūd

ḳhushbueñ titliyāñ sitāre rang

'roz' ko ḳhushbuoñ se nisbat hai

naam se munsalik haiñ saare rang

hijr ne is tarah utare rang

jaise the hi nahin hamare rang

ek manzar se ho gae ghayal

tum ne dekhe kahan hain sare rang

nind Thahri hui thi palkon par

rah gae KHwab ke kinare rang

naqsh ubhre tumhaari nazron se

aap ki aankh ne nikhaare rang

kis qadar shan se kashid hue

kis qadar tamkanat se haare rang

surKH joDe ka intiKHab kiya

lakh karte rahe ishaare rang

mere aangan mein kya nahin maujud

KHushbuen titliyan sitare rang

'roz' ko KHushbuon se nisbat hai

nam se munsalik hain sare rang