hijr tha ya visal kis ka tha

hijr thā yā visāl kis kā thā

ḳhvāb thā yā ḳhayāl kis kā thā

sāmne vo hamāre baiThe the

dil meñ un ke ḳhayāl kis kā thā

ġhair se ham ne maat khaa.ī to

is meñ kahiye kamāl kis kā thā

ham gire haiñ agar bulandī se

dar-haqīqat zavāl kis kā thā

bach ke nikle jo lā-ta.alluq the

bach nikalnā muhāl kis kā thā

reg-e-sāhil pe naqsh baaqī hai

jism vo be-misāl kis kā thā

sher sunte haiñ merā kahte haiñ

aisā nāzuk ḳhayāl kis kā thā

baam par chāñd thā magar phir bhī

chāñdnī meñ jamāl kis kā thā

taan ham par hī aa ke TuuTī hai

pūchiyegā malāl kis kā thā

haq to ye hai nahīñ mile un se

phir ye collar pe baal kis kā thā

pūchhiye kyā kisī nujūmī se

vaqt kis kā hai saal kis kā thā

vo jo rahte haiñ sirf maazī meñ

kaise jāneñ ki haal kis kā thā

daar par chaḌh gayā 'ayāz' magar

kis ne pūchhā savāl kis kā thā

hijr tha ya visal kis ka tha

KHwab tha ya KHayal kis ka tha

samne wo hamare baiThe the

dil mein un ke KHayal kis ka tha

ghair se hum ne mat khai to

is mein kahiye kamal kis ka tha

hum gire hain agar bulandi se

dar-haqiqat zawal kis ka tha

bach ke nikle jo la-talluq the

bach nikalna muhaal kis ka tha

reg-e-sahil pe naqsh baqi hai

jism wo be-misal kis ka tha

sher sunte hain mera kahte hain

aisa nazuk KHayal kis ka tha

baam par chand tha magar phir bhi

chandni mein jamal kis ka tha

tan hum par hi aa ke TuTi hai

puchiyega malal kis ka tha

haq to ye hai nahin mile un se

phir ye collar pe baal kis ka tha

puchhiye kya kisi nujumi se

waqt kis ka hai sal kis ka tha

wo jo rahte hain sirf mazi mein

kaise jaanen ki haal kis ka tha

dar par chaDh gaya 'ayaz' magar

kis ne puchha sawal kis ka tha