hikayat-e-dil-e-mahzun na qissa-e-majnun

hikāyat-e-dil-e-mahzūñ na qissa-e-majnūñ

kisī kī baat sunūñ maiñ na apnī baat kahūñ

to maiñ vahī huuñ jise vo aziiz rakhtā thā

maiñ ḳhud ko soch to luuñ ā.īñe meñ dekh to luuñ

to jis libās meñ kal us ne mujh ko dekhā thā

vahī qamīs pahan kar udhar se phir guzrūñ

vo ek lamha azal-tā-abad vahī lamha

vo mujh se kuchh na kahe maiñ bhī us se kuchh na kahūñ

vo bhuul jaa.e mujhe us ko bhuul jā.ūñ maiñ

charāġh-e-jāñ use nisyāñ ke taaq par rakh duuñ

hikayat-e-dil-e-mahzun na qissa-e-majnun

kisi ki baat sunun main na apni baat kahun

to main wahi hun jise wo aziz rakhta tha

main KHud ko soch to lun aaine mein dekh to lun

to jis libas mein kal us ne mujh ko dekha tha

wahi qamis pahan kar udhar se phir guzrun

wo ek lamha azal-ta-abad wahi lamha

wo mujh se kuchh na kahe main bhi us se kuchh na kahun

wo bhul jae mujhe us ko bhul jaun main

charagh-e-jaan use nisyan ke taq par rakh dun