hirs-o-hawas ne DhunDe hain unwan nae-nae

hirs-o-havas ne DhūñDe haiñ unvāñ na.e-na.e

dil-bastagī ke hote haiñ sāmāñ na.e na.e

tahzīb bhī badal ga.ī badlī muāshrat

fashion ke roz hote haiñ sāmāñ na.e-na.e

bazm-e-suḳhan-varāñ meñ bhī hotī haiñ jiddateñ

ahl-e-suḳhan na.e haiñ suḳhan-dāñ na.e-na.e

manzil bahut qarīb hai umr-e-ravāñ kī ab

dil phir bhī kartā rahtā hai armāñ na.e-na.e

ham jaise kam-nigāhoñ ko jā-e-panah nahīñ

sahrā na.e-na.e haiñ gulistāñ na.e-na.e

'najma' bhulā do guzre zamāne kī yaad ko

letī hai moḌ gardish-e-daurāñ na.e-na.e

hirs-o-hawas ne DhunDe hain unwan nae-nae

dil-bastagi ke hote hain saman nae nae

tahzib bhi badal gai badli muashrat

fashion ke roz hote hain saman nae-nae

bazm-e-suKHan-waran mein bhi hoti hain jiddaten

ahl-e-suKHan nae hain suKHan-dan nae-nae

manzil bahut qarib hai umr-e-rawan ki ab

dil phir bhi karta rahta hai arman nae-nae

hum jaise kam-nigahon ko ja-e-panah nahin

sahra nae-nae hain gulistan nae-nae

'najma' bhula do guzre zamane ki yaad ko

leti hai moD gardish-e-dauran nae-nae