his-e-kina adawat kaTti hai

his-e-kīna adāvat kāTtī hai

ki nafrat ko mohabbat kāTtī hai

har ik mushkil aur aafat kāTtī hai

musībat ko musībat kāTtī hai

na ghabrā sab kī zahmat kāTtī hai

ḳhudā kī shaan rahmat kāTtī ye

jahannum sard kar deñ ashk mere

gunāhoñ ko ibādat kāTtī hai

amal kar nekiyoñ ke biij bo le

pake jab fasl mehnat kāTtī hai

na liije qarz hargiz dostī meñ

ye vo shai hai mohabbat kāTtī hai

nahīñ haiñ tan pe armānoñ ke zevar

ise ab merī chāhat kāTtī hai

bahut thoḌe bache din zindagī ke

bahut fikr-e-qayāmat kāTtī hai

ba-zāhir maiñ bhī sāya-vār ghar huuñ

magar andar tamāzat kāTtī hai

mirī shohrat kī nāgin mujh ko 'sājid'

mirī apnī badaulat kāTtī hai

his-e-kina adawat kaTti hai

ki nafrat ko mohabbat kaTti hai

har ek mushkil aur aafat kaTti hai

musibat ko musibat kaTti hai

na ghabra sab ki zahmat kaTti hai

KHuda ki shan rahmat kaTti ye

jahannum sard kar den ashk mere

gunahon ko ibaadat kaTti hai

amal kar nekiyon ke bij bo le

pake jab fasl mehnat kaTti hai

na lije qarz hargiz dosti mein

ye wo shai hai mohabbat kaTti hai

nahin hain tan pe armanon ke zewar

ise ab meri chahat kaTti hai

bahut thoDe bache din zindagi ke

bahut fikr-e-qayamat kaTti hai

ba-zahir main bhi saya-war ghar hun

magar andar tamazat kaTti hai

meri shohrat ki nagin mujh ko 'sajid'

meri apni badaulat kaTti hai