hisar-e-nikhat-e-gul mein sar-e-bahaar tha main

hisār-e-nik.hat-e-gul meñ sar-e-bahār thā maiñ

vo din bhī kyā the ki ik apsarā kā yaar thā maiñ

judā.iyoñ kā sabab khul nahīñ sakā ab tak

vo bevafā bhī na thī aur vafā-shi'ār thā maiñ

thī ġhair sub.h-o-masā bin tire mirī hālat

malūl shab se dinoñ se gila-guzār thā maiñ

koī bhī azhdahā rauzan se dar nahīñ aayā

usī ne mujh ko Dasā jis kā yār-e-ġhār thā maiñ

vahī the jaan ke dushman bane hue mere

unhī ke chāhne vāloñ meñ bhī shumār thā maiñ

kisī ke vasl ne yakjā rakhā thā merā vajūd

kisī ke hijr meñ TuuTā to be-shumār thā maiñ

ki jockey juuñ koī bachcha banā diyā jaa.e

'malāl' tausan-e-hastī pe yuuñ savār thā maiñ

hisar-e-nikhat-e-gul mein sar-e-bahaar tha main

wo din bhi kya the ki ek apsara ka yar tha main

judaiyon ka sabab khul nahin saka ab tak

wo bewafa bhi na thi aur wafa-shi'ar tha main

thi ghair subh-o-masa bin tere meri haalat

malul shab se dinon se gila-guzar tha main

koi bhi azhdaha rauzan se dar nahin aaya

usi ne mujh ko Dasa jis ka yar-e-ghaar tha main

wahi the jaan ke dushman bane hue mere

unhi ke chahne walon mein bhi shumar tha main

kisi ke wasl ne yakja rakha tha mera wajud

kisi ke hijr mein TuTa to be-shumar tha main

ki jockey jun koi bachcha bana diya jae

'malal' tausan-e-hasti pe yun sawar tha main