hisar-e-zat se nikla to phir sanbhal na saka

hisār-e-zāt se niklā to phir sañbhal na sakā

anā ke bojh se baisākhiyoñ pe chal na sakā

simaT ga.ī jo bisāt-e-tarab hai tere ba.ad

nashāt-e-mahfil-e-yārāñ meñ jī bahal na sakā

musāfirān-e-rah-e-shauq ye bhī yaad rahe

tilism-e-hosh-rubā se koī nikal na sakā

tamām shorish-e-daurāñ tamām rañg-e-nashāt

maiñ sañg-o-ḳhisht meñ ḳhud ko magar badal na sakā

'nadīm' kaam na aa.ī vo nus.h-e-ḳhair-ḳhahāñ

maiñ kaj-kulāh zamāne ke saath chal na sakā

hisar-e-zat se nikla to phir sanbhal na saka

ana ke bojh se baisakhiyon pe chal na saka

simaT gai jo bisat-e-tarab hai tere baad

nashat-e-mahfil-e-yaran mein ji bahal na saka

musafiran-e-rah-e-shauq ye bhi yaad rahe

tilism-e-hosh-ruba se koi nikal na saka

tamam shorish-e-dauran tamam rang-e-nashat

main sang-o-KHisht mein KHud ko magar badal na saka

'nadim' kaam na aai wo nush-e-KHair-KHahan

main kaj-kulah zamane ke sath chal na saka