hissa mere makan ka mujhko bhi chahiye
hissa mire makān kā mujh ko bhī chāhiye
ik gosha āsmān kā mujh ko bhī chāhiye
tum ko bhī chāhiye to chalo baañT lete haiñ
saaya to sā.ebān kā mujh ko bhī chāhiye
mujh ko bhī dekhnā hai kahāñ hai mirā makān
naqsha tire jahān kā mujh ko bhī chāhiye
halkān ho rahā huuñ maiñ tere firāq meñ
harjāna merī jaan kā mujh ko bhī chāhiye
kab tak maiñ bheḌiyoñ se hirāsāñ phirā karūñ
ab aasrā machān kā mujh ko bhī chāhiye
hissa mere makan ka mujh ko bhi chahiye
ek gosha aasman ka mujh ko bhi chahiye
tum ko bhi chahiye to chalo banT lete hain
saya to saeban ka mujh ko bhi chahiye
mujh ko bhi dekhna hai kahan hai mera makan
naqsha tere jahan ka mujh ko bhi chahiye
halkan ho raha hun main tere firaq mein
harjaana meri jaan ka mujh ko bhi chahiye
kab tak main bheDiyon se hirasan phira karun
ab aasra machan ka mujh ko bhi chahiye
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
