ho agar madd-e-nazar gulshan mein ai gulfam raqs

ho agar madd-e-nazar gulshan meñ ai gulfām raqs

sūrat-e-bismil dikhā.e bulbul-e-nākām raqs

ḳhāna-e-maqtal meñ hotā hai gumāñ firdaus kā

mor ban kar jab dikhātī hai tirī samsām raqs

vo havā-ḳhvāh-e-nasīm-e-zulf huuñ maiñ tīra-baḳht

kyuuñ na marqad par kare dūd-e-charāġh-e-shām raqs

aarzū hai iltifāt-e-be-qarārī se mujhe

vasl meñ us ko dikhā.e har rag-e-andām raqs

dam nahīñ apnā taḌap kar lauTtā hai hijr meñ

ruuh ko sikhlā rahā hai maut kā paiġhām raqs

ai 'shagufta' vo parī-rū mujh se farmātā hai ye

tum ko dikhlā.eñge apnā aaj zer-e-bām raqs

ho agar madd-e-nazar gulshan mein ai gulfam raqs

surat-e-bismil dikhae bulbul-e-nakaam raqs

KHana-e-maqtal mein hota hai guman firdaus ka

mor ban kar jab dikhati hai teri samsam raqs

wo hawa-KHwah-e-nasim-e-zulf hun main tira-baKHt

kyun na marqad par kare dud-e-charagh-e-sham raqs

aarzu hai iltifat-e-be-qarari se mujhe

wasl mein us ko dikhae har rag-e-andam raqs

dam nahin apna taDap kar lauTta hai hijr mein

ruh ko sikhla raha hai maut ka paigham raqs

ai 'shagufta' wo pari-ru mujh se farmata hai ye

tum ko dikhlaenge apna aaj zer-e-baam raqs