ho dil ulfat se gar Khaali baDa viran hota hai

ho dil ulfat se gar ḳhālī baḌā vīrān hotā hai

ki aane vaalā har lamha vabāl-e-jān hotā hai

nazar bhar kar nahīñ par kanakhiyoñ se dekh lete haiñ

ye un kā lutf-e-asġhar bhī baḌā ehsān hotā hai

badal Daale haiñ tarz-e-zindagī ne is tarah rishte

koī majbūr ho tab hī kahīñ mehmān hotā hai

vagarna mujh ko vahshat rahtī hai maazī kī yādoñ se

baḌe hī kaam kā vallāh ye nisyān hotā hai

blōd-pressure blōd-sugar use kuchh bhī nahīñ hotā

jo mehnat-kash hai vo is tarah se dhanvān hotā hai

ghuTan kī aisī aadat paḌ ga.ī hai mujh ko ab 'shārib'

vo ghar achchhe nahīñ lagte jahāñ dālān hotā hai

ho dil ulfat se gar KHali baDa viran hota hai

ki aane wala har lamha wabaal-e-jaan hota hai

nazar bhar kar nahin par kanakhiyon se dekh lete hain

ye un ka lutf-e-asghar bhi baDa ehsan hota hai

badal Dale hain tarz-e-zindagi ne is tarah rishte

koi majbur ho tab hi kahin mehman hota hai

wagarna mujh ko wahshat rahti hai mazi ki yaadon se

baDe hi kaam ka wallah ye nisyan hota hai

blood-pressure blood-sugar use kuchh bhi nahin hota

jo mehnat-kash hai wo is tarah se dhanwan hota hai

ghuTan ki aisi aadat paD gai hai mujh ko ab 'shaarib'

wo ghar achchhe nahin lagte jahan dalan hota hai