ho gai aawaz sasti aur mahnga shor hai

ho ga.ī āvāz sastī aur mahñgā shor hai

baat baiThī hai sikuḌ kar aur phailā shor hai

ye tirā hai ye mirā hai aur vo us kā shor hai

TukḌe TukḌe duniyā ne TukḌoñ meñ bāñTā shor hai

laal ho niilā ho nārañgī ho yā phir ho harā

rañg alag ḳhud-ġharzī ke par sab kā ik sā shor hai

ye siyāsat kī dukānoñ meñ musalsal biktā hai

maz.haboñ kā ḳhatm ho to sarhadoñ kā shor hai

ab vo mimbar hai hamārā jo tumhārā thā kabhī

tab tumhārā shor thā to ab hamārā shor hai

shor se bāhar ke uktā ke ham andar aa ga.e

par hameñ kyā thī ḳhabar andar ziyāda shor hai

chīḳh ke chillā ke ro ro ke ye chup ho jaatā hai

jis kī koī na sune ik aisā bachcha shor hai

ho gai aawaz sasti aur mahnga shor hai

baat baiThi hai sikuD kar aur phaila shor hai

ye tera hai ye mera hai aur wo us ka shor hai

TukDe TukDe duniya ne TukDon mein banTa shor hai

lal ho nila ho narangi ho ya phir ho hara

rang alag KHud-gharzi ke par sab ka ek sa shor hai

ye siyasat ki dukanon mein musalsal bikta hai

mazhabon ka KHatm ho to sarhadon ka shor hai

ab wo mimbar hai hamara jo tumhaara tha kabhi

tab tumhaara shor tha to ab hamara shor hai

shor se bahar ke ukta ke hum andar aa gae

par hamein kya thi KHabar andar ziyaada shor hai

chiKH ke chilla ke ro ro ke ye chup ho jata hai

jis ki koi na sune ek aisa bachcha shor hai