ho gai uqda-kushai tere diwane se
ho gai uqda-kushai tere diwane se
Syed Mubeen Alvi Khairabadi
MORE BYSyed Mubeen Alvi Khairabadi
ho ga.ī uqda-kushā.ī tire dīvāne se
rāz-e-kaunain khule ishq ke afsāne se
ho ga.ī ishq-e-majāzī se haqīqat kī numūd
raah ka.abe kī nazar aa.ī hai but-ḳhāne se
qatre qatre kā mujhe denā hai mahshar meñ hisāb
mai chhalak jaa.e na saaqī kahīñ paimāne se
jaane kitne dil-e-mushtāq liye hai armāñ
kaash shab Thahar bhī jaa.e tire aa jaane se
saath lā.ūñgā 'mubīn' apne bahāroñ kā hujūm
lauT kar ā.ūñgā maiñ jab kabhī vīrāne se
ho gai uqda-kushai tere diwane se
raaz-e-kaunain khule ishq ke afsane se
ho gai ishq-e-majazi se haqiqat ki numud
rah kabe ki nazar aai hai but-KHane se
qatre qatre ka mujhe dena hai mahshar mein hisab
mai chhalak jae na saqi kahin paimane se
jaane kitne dil-e-mushtaq liye hai arman
kash shab Thahar bhi jae tere aa jaane se
sath launga 'mubin' apne bahaaron ka hujum
lauT kar aaunga main jab kabhi virane se
- Book : Pirahn-e-harf (Pg. 22)
- Author : Mubeen Alvi Khairabadi
- Publication : Mubeen Alvi Khairabadi (1999)
- Edition : 1999
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
