ho gaya abru ki saffaki se shohra yar ka
ho gayā abrū kī saffākī se shohrā yaar kā
kaam kar jaa.e sipāhī naam ho sardār kā
kūcha-e-shah-rag se kyā terā mahal nazdīk hai
dam gale meñ aa ke aTkā hai tire bīmār kā
misl-e-īsā un kī ḳhidmat meñ rasā.ī ho ga.ī
paḌh ga.e koThe pe ham ziina lagā kirdār kā
raat ko āñkhoñ ke nīche phir ga.ī tasvīr-e-yār
vaah kyā chamkā sitāra dīda-e-bedār kā
'qadr' kyā islāh-e-'ġhālib' se mirī shohrat huī
vo masal hai baaḌh kaaTe naam ho talvār kā
ho gaya abru ki saffaki se shohra yar ka
kaam kar jae sipahi nam ho sardar ka
kucha-e-shah-rag se kya tera mahal nazdik hai
dam gale mein aa ke aTka hai tere bimar ka
misl-e-isa un ki KHidmat mein rasai ho gai
paDh gae koThe pe hum zina laga kirdar ka
raat ko aankhon ke niche phir gai taswir-e-yar
wah kya chamka sitara dida-e-bedar ka
'qadr' kya islah-e-'ghaalib' se meri shohrat hui
wo masal hai baDh kaTe nam ho talwar ka
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
