ho gaya jaise tera didar pahla aaKHiri

ho gayā jaise tirā dīdār pahlā āḳhirī

ho bhī saktā hai kisī kā pyaar pahlā āḳhirī

umr bhar vo shaḳhs apnī baat par qaa.em rahā

aur yuuñ sābit huā inkār pahlā āḳhirī

jis qadar ghāyal kiyā ḳhud sau gunā ghāyal huā

ishq hī to thā mirā hathiyār pahlā āḳhirī

is liye maiñ ne guzārī ziist ho kar mo.atadil

samjhā jaatā hai yahāñ me.aar pahlā āḳhirī

jin kā da.avā thā ki har tūfān se Takrā.eñge

un ko hī lagne lagā āzār pahlā āḳhirī

har taraf hī pārsāoñ kā milā jamm-e-ġhafīr

puurī bastī meñ thā maiñ bad-kār pahlā āḳhirī

chor thā munsif ke dil meñ tujh pe qābiz ho gayā

varna 'ābid' thā tirā haqdār pahlā āḳhirī

ho gaya jaise tera didar pahla aaKHiri

ho bhi sakta hai kisi ka pyar pahla aaKHiri

umr bhar wo shaKHs apni baat par qaem raha

aur yun sabit hua inkar pahla aaKHiri

jis qadar ghayal kiya KHud sau guna ghayal hua

ishq hi to tha mera hathiyar pahla aaKHiri

is liye main ne guzari zist ho kar moatadil

samjha jata hai yahan mear pahla aaKHiri

jin ka dawa tha ki har tufan se Takraenge

un ko hi lagne laga aazar pahla aaKHiri

har taraf hi parsaon ka mila jamm-e-ghafir

puri basti mein tha main bad-kar pahla aaKHiri

chor tha munsif ke dil mein tujh pe qabiz ho gaya

warna 'abid' tha tera haqdar pahla aaKHiri