ho id ya moharram hum gham kiya karenge

ho iid yā moharram ham ġham kiyā kareñge

do roza dahr-e-dūñ meñ mātam kiyā kareñge

mazmūn darhamī kā gesū ke bāñdheñge ham

har dam mizāj apnā barham kiyā kareñge

us harf-e-nā-shunū kī furqat meñ chupke baiThe

ham apne dil se bāteñ har dam kiyā kareñge

kānoñ tak us ke pahuñche mānind-e-zulf jab ham

sargoshiyāñ sarāsar bāham kiyā kareñge

vo zulf-o-ruḳh se apne kāfūr-o-mushk le kar

tayyār zaḳhm-e-dil kā marham kiyā kareñge

go talḳh vo kaheñge lab-hā-e-shakkarīñ se

har dam duā magar ham ham-dam kiyā kareñge

go ḳhuuñ kā qatra qatra dil se 'vaqār' kam ho

lekin suḳhan suḳhan se ham zam kiyā kareñge

ho id ya moharram hum gham kiya karenge

do roza dahr-e-dun mein matam kiya karenge

mazmun darhami ka gesu ke bandhenge hum

har dam mizaj apna barham kiya karenge

us harf-e-na-shunu ki furqat mein chupke baiThe

hum apne dil se baaten har dam kiya karenge

kanon tak us ke pahunche manind-e-zulf jab hum

sargoshiyan sarasar baham kiya karenge

wo zulf-o-ruKH se apne kafur-o-mushk le kar

tayyar zaKHm-e-dil ka marham kiya karenge

go talKH wo kahenge lab-ha-e-shakkarin se

har dam dua magar hum ham-dam kiya karenge

go KHun ka qatra qatra dil se 'waqar' kam ho

lekin suKHan suKHan se hum zam kiya karenge