ہو جائے گا مجھے بھی نظارا کبھی کبھی

ہو جائے گا مجھے بھی نظارا کبھی کبھی

آیا کرو ادھر بھی خدارا کبھی کبھی

حسرت رہی یہ دل میں کہ ہو جائے دوستو

الفت بھری نظر کا اشارہ کبھی کبھی

چپکے سے ہم نے بادۂ زہراب پی لیا

یہ عشق میں کیا ہے گوارا کبھی کبھی

ہوتی رہی ہیں غرق کنارے یہ کشتیاں

موجوں میں بھی ملا ہے کنارا کبھی کبھی

گھبرا کے نبض گردش دوراں ٹھہر گئی

جس وقت ہم نے ان کو پکارا کبھی کبھی

حسرت سے ہر کسی کی طرف دیکھتا ہوں میں

آتا ہے جب خیال تمہارا کبھی کبھی

راہیؔ خفا ہیں ہم سے وہ لیکن کرم یہ ہے

رکھتے ہیں وہ خیال ہمارا کبھی کبھی